Давлатмиз раҳбари томонидан жорий йилнинг 29 январь куни ўтказилган видеоселектор йиғилишида жамоат транспортини ривожлантириш ва йўловчи ташишни хизматларини яхшилаш бўйича бир қатор топшириқлар берилган эди.
Бугун Наманган шаҳар ҳокими Анваржон Отаходжаев Хитой давлатининг автобус ва электробус ҳамда маиший техникалар ишлаб чиқарувчи йирик корхоналари вакиллари билан учрашди.
Учрашувда Хитойнинг « Geely New Energy Commercial Vehicle Group» компанияси вакили Dennis Dong автобус ва электробус каби жамоат транспортларини олиб кириш ҳамда «New Kinpo Group» компанияси вакили Эрик Шиау томонидан Наманганда электротехника воситалари ишлаб чиқариш заводи ташкил этиш бўйича таклифларини билдирилди.
- Электробус шаҳримиз учун жуда зарур, дастлаб 10 тадан олиб келиб марказий кўчаларимизга йўналишлар бўйича тажриба сифатида қатновини йўлга қўямиз. –деди, шаҳар ҳокими Анваржон Отаходжаев.
Икки томонлама самимий руҳда ўтган учрашувда компания вакиллари билан шу каби энергия тежамкор, атроф муҳит ва экологияга зарарсиз бўлган техникаларни жалб қилиш, ишлаб чиқаришда ҳамкорликни йўлга қўйиш бўйича келишиб олинди.